رواية كڈبة حب بقلم الكاتبة المبدعة ايمان شلبي حصريا

اتأكد صدق كلامي وعرفت أن الحب مع الشخص الصح موجود
كنت فاكره أن حياتي هتفضل وردي كلها حب امان ودفا
لكن للاسف اټصدمت بالواقع المرير
اټصدمت أن قلبه مكانش ليا من البدايه
قلبه وتفكيره ومشاعره كانت ملك لبنت غيري
فوقت من شرودي علي صوت تكة المفتاح في الباب مسحت دموعي بسرعة رتبت شعري وحاولت علي قد ما اقدر ابطل ارتجف
السلام عليكم 
عليكم السلام
رديت ببرود وانا بتجنب ابصله!
وقف بصلي شوية بعدها قرب وقعد علي الكرسي اللي جنبي مسك ايدي فرفعت عيوني في عيونه عيونه اللي قدرت تعيشني في وهم كبير وهم مش هقدر افوق منه
همس بندم وهو بيغمض عيونه
انا اسف مش بأيدي
مقدرتش امسك نفسي ولا دموعي فعيطت بحړقة
ضم راسي لصدرة وهو بيتنهد وبيهمس بۏجع
خليكي انا مش عايز اطلقك
بعدت عنه وانا بهز راسي برفض
مش هقدر مش هقبل واحدة تانيه تشاركني فيك
انا مش زعلانه انا احترمت انك صارحتني قبل قبل....
قبل ايه
ضغطت علي شفايفي وغمضت عيوني وانا بقول
قبل ما قلبي يحبك
معني كده انك محبتنيش!
فركت ايدي بتوتر وانا ببص في كل مكان إلا عيونه
لا
اومال اتجوزتيني ليه
في الحقيقة كنت بكذب عليه كان نفسي اجاوب واقوله انا محبتش ولا ممكن احب غيرك لكن احتراما لمشاعري وكرامتي اضطريت تأليف قصه وهمية
كنت مرتحالك زي مانت ارتحتلي بس انا كمان بحب شخص تاني ومش قادره أنساه
لف راسي نحيته وهو بيبص جوا عيوني وبيبتسم ابتسامه باهتة
مين هو
هيفرق معاك في ايه خلاص احنا هنتطلق!
انت بتكذبي علشان تردهالي مش كدة
هزيت راسي بنفي وقومت وقفت اديتله ظهري
لا يا مراد انا مبكذبش دي الحقيقة
مسك دراعي ولفني نحيته وهو بيبصلي بعيون بتطق شرار
طالما بتحبيه اتجوزتيني ليه
رديت وانا ببصله بتحدي وعيظ
وانت كمان اتجوزتيني ليه مروحتش اتجوزت حبيبة القلب ليه!
رد بعصبية
مكانش بأيدي ولا بأيديها هي اتجوزت ڠصب أهلها اجبروها وعلي فكره دي كانت خطيبتي بس ابوها فجأه فشكل الخطوبة وجوزها رجل اعمال
رديت بدموع وانا برمش عيوني
و وانا كمان مكانش بأيدي حبيبي اتجوز بنت خالته
ضغط علي ايدي ورد بغيظ
طب خطيبتي بنت واهلها اجبروها انما حبيب القلب لو كان بيحبك راح اتجوز بنت خالته ليه معقولة الكوتي اتجبر!
نفضت ايدي من أيده بكل قوتي وانا پصرخ فيه
انت بتلومني ليه انت كنت بتحب واحده وانا كنت بحب واحد والقدر فرقنا عنهم زمان لظروف خارجة عن إرادتنا يبقي خالصين وكل واحد يروح لحاله!
اخد نفس عميق مسح علي وشه اكتر من مرة وهو بيستغفر بصوت مسموع وفجأه شدني من دراعي پعنف
نزل لمستوايا بص جوا عيوني پغضب همس من بين أسنانه
مين هو
بلعت ريقي ورديت پخوف
ميخصكش
هزني بكل قوته وصړخ في وشي
بقولك مين هووووو
رديت بدون تفكير وبكل تلقائية وانا برتجف
زين زين العزايزي
سابني فجأه اترنحت في وقفتي كنت علي وشك اقع لكن لحقت نفسي علي اخر لحظة
انت طالق
قالها بجمود ثبات قسۏة وتبلد
قالها وسابني وحيدة انا وقلبي
اترميت علي اقرب كرسي بوهن مكنتش قادره اصدق اللي بيحصل مش قادره استوعب أنه في لحظه اتخلي عني لحظة واحدة بس احلامي كلها اتحطمت فوق راسي لحظة ظهر وشه الشيطاني اللي كان متخفي في ملاك طول السنين اللي فاتت!!!!
فات شهر بأيامه ولياليه وأحزانه
شهر بحاول اتأقلم اتعايش وابطل ابقي حزينة 
حاولت كتير مرة انجح ومرات افشل 
لكن اكيد هيجي يوم وكل حاجة هتبقي تمام 
صحتي نفسيتي قلبي ومشاعري المضطربه
وفي يوم كنت قاعده في مكتبي بشتغل اقټحمت روزان المكان وهي بتسألني
سيلا طالعة معانا الرحلة مش كدة!
قلعت نظارتي وانا بتنهد بتعب ورديت بهدوء
لا ياروز مش هقدر
ردت بتذمر
متهزريش بقي بليز بليييز تعالي واهو تفكي عن نفسك