رواية كڈبة حب بقلم الكاتبة المبدعة ايمان شلبي حصريا

بدور عليها.
بس بعد الجواز اكتشفت الحقيقة المرة
أن قلبي كان بيحب لوحده
حب من طرف واحد 
باعلي الوهم بعيونه ومشاعرة وأفعاله 
وانا بكل سذاجة اشتريت 
كان جواه حب لبنت تانية...
وأنا
انا كنت مجرد مسكن
راحة مؤقتة لحد ما يرجع حبه الحقيقي ينادي عليه فيبطل يتعب ېكذب يعيش دور مش دوره ومشاعر مش بتاعته وحياه مش بيحبها!
أما التالت...
فده حكاية مش مفهومة 
ولا عمري حبيته ولا حتى كنت بشوفه فارس احلامي
رفضته زمان بكل بساطة
إنما دلوقتي
مجرد ما بشوفه قلبي بيدق بطريقة مش مريحة 
مشاعر غريبة مربكة فيها خوف واحتياج في نفس اللحظة.
مش عايزاه
مش عايزة احب تاني من الأساس 
بس محتاجاه.
ومش فاهمة أنا محتارة ليه
ولا انا عايزة ايه
كان يا مكان فلانه فلان
وراها قصة من الماضي 
شبح مجهول ومش راضي 
يسيبها تعيش وده العادي
من الدنيا ومن الايام!
أنا مش فاهمة... إزاي ده حصل!
مين اللي نشر قصتي على النت!
سألت بنبرة مهزوزة وخاېفة وأنا بلف حوالين نفسي
مش قادرة أفهم ولا أستوعب ازاي ده حصل
قصتي!
قصتي اللي كنت بكتبها وأنا بعيط
كنت بكتم دموعي و شهقة الألم بين سطورها
اتنشرت
إزاي
مين غيري يعرفها!
أنا عايشة لوحدي
مفيش بني آدم عايش معايا
بس روز
روز ساعات بتيجي تبات معايا
روز قرأتها 
روز قرأت سطوري 
وقلبي
قرأت قلبي ومشاعري ومخاۏفي
عيوني وسعت وجسمي اتجمد مكانه
لا مستحيل معقول تكون روز!
مسكت الفون بإيد بترتعش ودوسة واحدة جابت صوتها
أول ما ردت صوتي خرج بخنقة
روز انت اللي عملتي كده!
اتنهدت وردت بهدوء
أيوه أنا اللي نشرتها
روز ا انتي ا انتي إزاي تعملي كده!
أنا مش عايزة حد يعرف عني حاجة
أنا كنت بكتب علشان أرتاح ملقتش طريقه تانيه أعبر بيها عن مشاعري ا أنا كتبت علشان اريح قلبي من الۏجع مش علشان أتعري قدام الناس!
سيلا انا نشرتها من حساب باسم الكاتبة المجهولة
محدش يعرف مين إنت محدش يعرف القصة دي خيال ولا حقيقة
ايوه بس أنا
قاطعتني بصوت مخڼوق بالعياط 
أنا كنت شايفاكي بټغرقي كل يوم ومكانش في إيدي غير أني أمهدلك الطريق علشان تخرجي من الضلمة اللي أنت ڠرقانه جواها انا بحبك وبتوجع من وجعك
ونفسي أشوفك بتعيشي مش بس بتكتبي
نفسي أشوفك بتتحبي بجد
قلبك يستاهل نهاية سعيدة
بس أنت اكتر واحدة كنتي مأكدة عليا أن الحب اكبر كڈبة!
لكن في حب موجود هتلاقيه في يوم زي مانا لاقيته بعد ما كنت فقدت الامل
رديت بتشويش
انت بتحبي!
ردت بخجل
ايوه
امتي وازاي وليه مقولتليش و.....
هحكيلك كل حاجة انا جيالك في الطريق أصلا!
المهم مش زعلانه مني
اللي حصل حصل ياروز بس ايه الفايدة من نشرها
النهاية الناس هتكتبها!
ضحكت بسخرية
يعني دلوقتي الناس هي اللي هتحط نهاية قصتي!
ابتسمت روز وقالت
ومين قال إن ده نهايتها!
يمكن الشهرة تكون باب لبداية قصة جديده انتي بس محتاجة تدخلي من الباب ده وتقفلي الابواب القديمه بالضبة والمفتاح
تفتكري!
سيلا إلحقي نفسك قبل ما الفرصة تضيع!
وفجأة صوتها اتقلب لصدمة
يانهار أبيض!!!
قمت واقفة مرة واحدة قلبي وقع من مكانه وانا بسألها
في إيه!
دار نشر كلمتني على الأكونت
عايزين يقابلوا الكاتبة المجهولة
وعايزين يطبعوا الرواية!!!
نعم!!!
سيلا القصة عاملة دوشة حقيقية
كل الكومنتات ناس بتسأل مين الكاتبة
بيقولوا إن الكلام دخل جواهم كأنهم عايشينه
انتي لمستي قلوبهم يا سيلا
لمستيها بصدقك
سكت شوية
بصيت للفراغ 
بعدها بصيت للورق اللي كنت شايفاه مجرد ۏجع