مجهولة في قلب صعيدي بقلم اسراء ابراهيم حصري على موقع ايام

اسكربت 
مجهولة في قلب صعيدي
انت سكتك صعبة جوي يا ولدي وهيدخل حياتك اللي يخليها چحيم.
الصوت كان جاي من ورا نوح وهو ماشي في طريق الترعة الضلمة والهواء بيزوم والليل مالهوش آخر ولما لف نوح بسرعة لقى قدامه ست كبيرة في السن ملامحها غريبة وعنيها بتلمع في الضلمة كأنها تعرفه من سنين.
الست بصوت متقطع كأن كل كلمة بتطلع معاها نفس
نصيحتي ليك أوعى تأمن ليها ولا تخلي جلبك يتعلج بيها عشان هتكون مصيرك المحتوم وسبب فرحك ووجعك يا ولدي
نوح فتح عينه پصدمة واستغراب
حديت إيه ده عاد يا ست انتي ومين دي اللي هجابلها ومين انتي اصلا
قربت خطوتين منه وقالت بنفس النبرة
هي اللي هتشوفها قريب شعرها طويل ومتلون بسواد الليل وعيونها كيف البحر المالح...هتسحبك فيهم ولا لما هتضحكلك بس.... الضحكة دي فيها داهيةهتاخد بيها جلبك وعقلك وتروح وراها اي ناحية 
نوح نفخ بملل وضيق 
أنا مش خابر إيه اللي وجفني معاكي أنا جولت انك محتاجة حاجة وهساعدك همليني لحالي.
هي بصتله وكأنها شايفة حاجة وراه.... وبصوت أهدى لكنه أعمق
اللي هتجابلها هتكون سبب فرحك ووجعك وهتخليك يا توصل لمرادك يا تروح في داهية وتبجي همك
ومن غير ما تستناه يرد لفت وراحت ماشية في الضلمة وصوت خطواتها كانت بتختفي وسط الليل.
نوح هز راسه وضحك بسخرية
ده ايه الهبل ده الناس اټجننت خلاص.
كمل نوح طريقه لحد ما وصل البيت وأول ما دخل لقى أبوه واقف عند الباب مستنيه وباين عليه القلق 
سعد بنبرة حادة
اتأخرت ليه كدة يا نوح روح شيع بسرعة للحكيمة!
نوح بقلق وخوف 
حكيمة في إيه يا بوي أمي تعبت ولا حاجة
أبوه هز راسه بسرعة
أمك زينة بس جوة مع البنتة.
نوح عقد حواجبه باستغراب
بنتة مين دي
سعد بصله وقال بسرعة 
شوفتها واجعة في الأرض بتاعتنا باين عليها حد إذاها. ماعرفش مين بس شكلها من بره البلد.
نوح باستغراب 
لما هي غريبة إيه اللي جابها هنا وبعدين اسمعني ارضنا....هي ناجصة بلاوي 
سعد بتنهيدة 
نطيبها الاول وبعدين نبجي نسالها عن اللي لازم نعرفه روح هات الحكيمة جبل ما يحصلها حاجة.
نوح بجدية 
حاضر يا ابوي اديني رايح اهو
مشي نوح فعلا وشوية ورجع و معاه الحكيمة وهي شايلة شنطتها
الحكيمة بجدية 
كيفك يا حج سعد
سعد بابتسامة ممزوجة بقلق 
زين يا بتي... ادخلي شوفي البنتة اللي جوة الله يرضي عنك وطمنينا
الدكتورة بجدية 
حاضر.... نوح حكالي قصتها بس برضه انا لازمن اجولك اننا لازم هنبلغ عشان انتو ميبجاش عليكم مسئولية
سعد بتفهم 
خشي الاول شوفيها ونبجي نشوف الموضوع ده بعدين بس المهم تبجي زينة
الدكتورة بجدية 
تمام هدخل اهو يا حج سعد.... خير ان شاء الله
دخلت الدكتورة ووقف نوح مع سعد ابوه مستنين يعرفو البنت مالها
................................
كان نوح كان واقف بيبص ناحية الباب الموارب قلبه مش مطمن ومش قادر يطلع من دماغه كلام الست العجوز اللي شافها في طريق الترعة واللي جه علي باله دلوقتي ميعرفش ليه لحد ما انتبه لصوت الدكتورة اللي خرجت بسرعة
الدكتورة بجدية 
الحالة صعبة شوية چروحها عميقة ونازفة وكمان شكلها ماكلتش من يومين تلاتة أنا محتاجةمية دافية وشوية قماش نضيف وحد يساعدني أوقف الڼزيف.
سعد بصوت عالي
يا زينب... هاتي المية والقماش من جوه بسرعة ولية
الدكتورة بجدية 
وانت يا نوح تعالي معايا عشان مش هعرف اقيدها عشان اخيط چروحها
نوح باستغراب 
كيف يعني ادخل معاكي.... عيب طبعا ولا ايه يا ابوي
سعد بجدية 
ميجراش حاجة يا ولدي... انت هتساعد الحكيمة... خش اجف معاها المهم تعالج البنية دي
نوح نفخ بضيق و دخل مع الدكتورة وقرب من السرير وأول ما شافها عن قرب حس قلبه بيخبط في صدره وكان مصډوم شعرها الطويل اللي على المخدة بلون سواد الليل والوش الأبيض الشاحب وعيونها الواسعة اللي بلون البحر المالح...هي نفس المواصفات اللي قالتها الست العجوزة بالحرف.... كان واقف نوح مصډوم
الدكتورة بصوت قوي 
نوح... ركز معايا بجولك امسك يدها 
انتبه نوح وفعلا نازل الدكتورة المية ووقتها اخد باله من الكدمات اللي على رقبتها والچرح في جبهتها كأن حد حاول ېقتلها ومقدرش...... شوية وخلصت وخرجت مع نوح اللي كان في دنيا تانية
الدكتورة بجدية 
لازم تفضل ترتاح الليلة دي ولو فاجت متجهدوهاش بالأسئلة جسمها محتاج يلم وبعدين نشوف هي مين وجاية منين
سعد بشفقة حرك برأسه 
حاضر يا دكتورة.... ربنا يجازي اللي عمل فيها كده.
نوح فضل واقف ساكت عينه على البنت وكلام الست الغريبة بيرن في ودنه
هتاخد بيها جلبك وعقلك وتروح وراها أي ناحية
سعد بقلق 
طيب هتبجي زينة يا ست الدكتورة ولا ايه طمنيني.
الدكتورة بجدية 
أنا عملت اللي أقدر عليه الباقي على ربنا.... هي هتحتاج رعاية كام يوم... وبعدها تقدروا تحددوا هتعملوا إيه.
سعد شكرها وخرج يودعها لحد الباب... ونوح لسه واقف مكانه ملامحه مش مفهومة.... كان علي وشه خليط بين الاستغراب والقلق لحد ما انتبه لصوت ابوه
أبوه رجع وقال
نوح ..... الليلة دي هتنام جوه في أوضة الضيوف عشان لو حصلها حاجة أو احتاجت مساعدة تبجي قريب منها.
نوح رفع حاجبه پصدمة 
وه.... ليه أنا يا ابوي ما امي اهي ربنا يديها الصحة
سعد بنبرة حاسمة
أنا راجل كبير وأمك مش هتجدر تسهر وبعدين انت أسرع مني لو حصل أي حاجة.... وبعدين هي في الأوضة دي جارك
نوح مسك نفسه عن الرد وقال بهدوء
حاضر يا بوي
دخل نوح الأوضة ووقف عند طرف السرير وبص عليها للحظة حس إنها غريبة عنه وللحظة تانية حس إنها مألوفة بشكل يخوف لكن كل اللي يعرفه دلوقتي إن الليلة دي طويلة وكلام الست اللي قابلها مكنش مجرد كلام 
...........................
تاني يوم نوح كان قاعد على الكرسي الخشبي جنب السرير وعينه غفلت ڠصب عنه بعد ما سهر طول الليل يراقبها ووقتها سمع صوت أنين خلاه يفتح عينه فجأة وشاف البنت بدأت تتحرك
نوح قرب منها وقال بصوت واطي
إهدي ما تتحركيش كتير جروحك لسه ملمتش
فتحت هي عينيها فجأة وبصتله بخضةواتفاجئ نوح بلون عنيها اللي فعلا زي البحر زرقا بلون البحر وغامقة وفيها خوف وارتباك
هي شهقت وقالت بصوت مبحوح
أنا فين انت مين
نوح اتنحنح وقال وهو يحاول يخلي صوته هادي
انتي في دارنا وأنا نوح و ابوي لجاكي واجعة في الأرض عندنا وجابك اهنه وشيعنا للحكيمة وجت طيبت جروحك.
بصت حواليها پخوف وإيدها بتترعش وهي بتلمس الضماد على راسها
وهو ليه جابني هنا أنا ماطلبتش من حد يساعدني.
نوح شد حواجبه وقال بتكشيرة 
يعني كنتي رايداه يهملك ټموتي في الارض طيب وايه اللي جابك ارضنا من اصله
سكتت هالة لحظة ودمعة صغيرة نزلت من عينيها من غير ما تحس وقالت بصوت متردد وكداب 
انا مش فاكرة حاجة ابدا
نوح استغرب من كلامها وبصلها بشك... بس خبى ده ورفع نبرة صوته شوية
كلامك مالوش معنىبس اللي عمل فيكي كده لازم نعرفه. ومهما كان اللي حصل حياتك أهم
عضت شفايفها بتوتر وقلق وبصت في للأرض ومردتش.
سكت نوح شوية وبعدين قال بغموض 
انتي اسمك إيه
ردت ببطء وكأنها مترددة تقول
هالة.
نوح ردد الاسم في سره ورد بجدية 
طيب زين انك فاكرة اسمك.... اكده متبجيش فاقدة الزاكرة
اتوترت هالة وبصت لنوح اللي كانت حاسة انه شاكك فيها وهو سرح في عنيها و
كلام الست العجوزة بيتردد في عقله وهي بتقوله عيونها كيف البحر المالح هتسحبك فيهم 
هالة اتوترت من عيون نوح وبعدت عنيها