مجهولة في قلب صعيدي بقلم اسراء ابراهيم حصري على موقع ايام

فجأة وعينيها لمعت بالخبث
يااااه سبحان الله جت لحد عندي.... أهو ربنا بعتلي طوق النجاة وهخلص منك يا اللي اسمك هالة انتي
قعدت تضحك بخفة وهي بتكلم نفسها
كنت بفكر إزاي أخلص منها أهو الحل جالي لحد بابي. أنا لو بلغت عليها وجولت مكانها وجتها هتختفي من حياة نوح وساعتها مش هيلاقي غيري جاره
كملت بتردد 
انا هكلمهم أيوة هكلمهم وأدلهم على مكانها. ساعتها هالة هتروح من غير ما حد يشك فيا.... نوح هيجي يترجاني ارجعله
اابتسمت بخبث وهي بتحفظ الرقم وقررت تتصل وتنفذ اللي في راسها
..............................
بعد كام يوم كانت هالة قاعدة في الصالة جنب زينب بتحاول تضحك معاها وهي بتحكيلها قد إيه نوح بقى يعاملها باهتمام ونظراته ليها بتخليها تحس لأول مرة إنها مش وحيدة وزينب بتبصلها بحنية وبتدعيلها من جوا قلبها بس فجأة بتدخل نها ووراها ٣ رجالة طوال عراض شكلهم بودي جارد.
هالة قامت واقفة رجليها بترتعش
إنتي إزاي لقيتيني
ابتسامة انتصار مرسومة على شفايف نها
إنتي اللي سهلتيها عليا يا أختي عندك حبايب كتير وكل واحد عايز يعمل الواجب بس كويس وفروا عليا وقت ومجهود.
دموع اتجمعت في عيون هالة وردت بصوت متقطع
ليه يا نها! ليه بتعملي فيا كده أنا عمري ما أذيتك. طول عمري بعتبرك أختي.
نها رفعت حاجبها باستهزاء
أختي! أخت إيه اللي واخدة مني كل حاجة حتى الراجل اللي أنا حبيته! ما تضحكيش على نفسك.
هالة بصتلها پانكسار
أنا ما خطفتش حد منك أنا رفضت قولتلك قبل كده. بس إنتي عمرك ما كنتي عايزة تصدقي.
نها قربت منها بخطوات تقيلة
الكلام خلاص ملوش لزوم.... يلا قومي ماما مستنياكي.
هالة اتراجعت خطوتين وبصوت عالي كله خوف ردت 
لأ مش هروح معاكي يا نها
زينب وقفت فجأة بصوتها الجهوري
وإنتي مين أصلا يا بت انتي ولعلمك البنتة مش هتتحرك من مكانها طالما هي مش رايدة انتي فاهمة
نها بصت لزينب بنظرة كلها تحدي
احسن ليكي ما تدخليش في اللي مالكيش فيه يا... يا طنط
كملت نها وهي بتبص للبادي جارد
يلا هاتوها
البادي جارد اتحركوا ناحية هالة اللي قلبها وقع في رجلها وصوت دقات قلبها مسموع لحد ما فجأة نوح دخل پعنف و عنيه كلها ڠضب. 
و نوح ھجم على واحد منهم بضړبة قوية وقعه على الأرض والتاني حاول يقرب منه ونوح مسكه من إيده ولوى دراعه لحد ما وقع
وهالة وقتها جريت پخوف على نوح كإنها لقت أمانها الوحيد.
وهو بصلها بسرعةو صوته الخشن بس حنين
مټخافيش أنا هنا جارك
نها اتفاجئت من نوح وحاولت تتماسك وقالت بصوت عالي
دي أختي أنا جاية آخدها معايا واحسنلك تسيبها
نوح لفلها وصوته كله ټهديد
أختك! أنا عارف زين اللي عملتيه فيها.... ولو فكرتي تلمسي شعرة منها هيكون آخر يوم ليكي.
نها اتوترت لحظة بس بسرعة لبست قناع الجبروت و بصت لهالة وقالت ببرود وخبث
فكري كويس واعرفي انك هتكوني سبب نهايته
قالت كدة ولفت وطلعت مع رجالتها بسرعة والجو مليان توتر.
هالة صوت مخڼوق 
نوح هي مش بتهزر..... هتأذيك بسببي
نوح قعد جنبها واخد وشها بين إيديه وبصوته الواطي بس ثابت
مټخافيش مش هتجدر تعمل حاجة.... طول ما أنا موجود محدش يجدر يجربلك.
هالة دموعها نزلت
بس أنا مش هسمح إنك ټتأذي بسببي.
نوح قرب منها أكتر وعينيه صادقة
تتجوزيني يا هالة 
هالة شهقت پصدمة وعينيها مزهولة 
إيه
زينب كانت واقفة بعيد وقلبها قلقان علي نوح وخاېفة عليه
وهالة بصت لنظرات زينب وفهمت ترددها وخۏفها على ابنها. فمسحت دموعها بسرعة
هالة بصوتها مكسور
لأ يا نوح مش هينفع. أنا مش هسمح إن أي حد يتأذي بسببي. كفاية لحد كده... انا. مش موافقة
قالت كدة وقامت بسرعة جريت على أوضتها و بدأت تلم علاجها عشان تمشي وكل ده ونوح مصډوم
...........................
خرجت هالة من باب اوضتها وشنطتها الصغيرة في إيدها. ووقفت ثواني تتنفس بعمق و عينها مليانة دموع وهي بتبص لنوح ومانها بتودعه
نوح من وراها بثقة 
لو خطوة واحدة خرجتي من الباب ده يا هالة اعتبري إنك جتلتي نوح بيدك.
هالة اتجمدت مكانه ونوح بخطوات ثابتة قرب منها
انتي فاهمة إيه إنك لو بعدتي عني كده هتحميني بالعكس انتي كده بتموتيني كل يوم. أنا مستحيل اهملك فاهمة يعني إيه مستحيل.
هالة پخوف ودموعها بتنزل
بس أنا مش عايزة أكون سبب أذيتك مش عايزة في يوم أفتح عيني ألاقيك اتأذيت بسببي وبقيت لوحدي من تاني
نوح وقف قدامها و عينه في عينها وصوته مليان إصرار
أنا عشجتك يا هالة عشجتك لدرجة إن حياتي من غيرك ملهاش طعم....و لو العالم كله وجف قصادنا مش هيفرج بينا ... خليكي جاري متهملنيش
هالة كانت بتتنفس بسرعة و قلبها بيرقص من فرحتها وخۏفها في نفس الوقت علي نوح 
انت مش فاهم أنا مش هقدر أرتاح غير لما أطمن إنك بخير وأمان.
قالت كدة وشدت التليفون من إيده بسرعة وصوتها بيترعش وهي بتدور على الرقم اللي حافظاه...و نوح مش فاهم حاجة
نوح باستغراب 
هالة انتي بتعملي إيه!
هالة وهي بتحط التليفون على ودنها
بطمن انك هتفضل بخير يا نوح
شوية ونها ردت وهالة اتكلمت بصوت ثابت رغم رعشة إيدها
اسمعيني كويس يا نها. أنا مستعدة أتنازللك عن كل ورثي كل حاجة باسمي بس بشرط. تبعدي عني وعن نوح....انا حياتي متهمنيش بس هو لا
نها بتضحك بسخرية
للدرجة دي هو مهم عندك
هالة بقوة لأول مرة
هو أهم من نفسي ومن عمري..... ده اتفاقي معاكي ولو يوم خلفتي اتفاقك هتشوفي هالة تانية هالة عمرك ما عرفتيها. فاهمة
سكتت نها لحظة وبعدين قالت ببرود
تمام هبعتلك المحامي بالأوراق.
هالة ماستنتش و قفلت المكالمة وهي بتتزهد براحة وكل ده ونوح واقف مصډوم مش مصدق اللي سمعه
نوح پصدمة 
انتي ليه عملتي كده ليه اتنازلتي عن حجك كله عن ورثك
هالة بصتله بابتسامة وهي بتمسك إيده بكل قوة
لأني مش هقدر أعيش لو يوم حصلك حاجة بسببي.... الفلوس والورث هيتعوضوا لكن انت انت بالنسبالي مش هتتعوض.... أنا بحبك يا نوح حب عمره ما يتقاس بحاجة في الدنيا.
نوح اتأثر من كلامها و عينه لمعت بالدموع ومسك إيدها ورفعها على صدره كأنه بيقسم
وأنا أعاهدك طول ما أنا عايش عمري ما ههملك. انتي مش بس حبيبتي انتي روحي. يا هالة
هالة ابتسمت لأول مرة ابتسامة صافية من غير خوف ودموعها بتنزل بارتياح و نوح قرب منها ومسك وشها بين إيديه وبصوت حنون همس
من انهاردة مفيش حاجة اسمها خوف. مفيش غيري أنا وانتي وعشجنا .
ابتسمت هالة بسعادة ونوح وقتها ابتسم بتلقائية وهو من جواه مش مصدق انه كان هيضيع هالة من ايديه لما صدق كلام الست العجوزة وكان هيبعد هالة عنه لمجرد كلام اتقال يمكن حجات فيه صح بس افتكر وقتها جملة مهمة وهي كڈب المنجمون ولو صدفو.....
تمت