رواية وللنصيب رأي ٱخر بقلم الكاتبة المبدعة لوليتا

الحلقة ١ .
فى شقه لأسره متوسطه فى حى المعادى.
منى بتنادى نهى. نهى قومى بقى كفايه نوم لغاية دلوقتى إحنا بقينا الظهر يلا عشان نجهز قبل سامى ما يعدى علينا مش عايزين نتأخر على فادى قومى.
نهى بعصبيه يوووه يا ماما!!!! انا قولتلك قبل كده مش هروح عند حد سبينى بقى. لو أنتوا عايزين تخدوا ندى معاكو معنديش مانع هلبسها بس انا مش رايحه فى حته ومش عايزين نعيدو من تانى مش هروح عند حد سبينى براحتى. ده أخوكى إنتى مش أنا. و علاقتى بيه حاجه تخصنى لوحدى..
منى پحده و نرفزه عيب كده ده مهما كان خالك الكبير و كان عايز مصلحتك مش قصده حاجه ما تنسى بقى. إللى حصل حصل ده انتى داخله على سنتين دلوقتى مادخلتيش بيته كفايه بقى كده.
نهى بتعب الموضوع فعلا خلص وعدى بس انا ڠصب عنى مش قادره اروحله بيته مش قادره انسى يا ماما سبينى براحتى لما أحس ان عندى إستعداد اروحله هرحله وبعدين هخرج من بيت لبيت انا شويه كده وهنزل اروح الجيم.
منى بعصبيه خلاص براحتك بس جهزى ندى عشان هخدها معانا.
نهى حاضر هقوم دلوقتى.
شويه والباب خبط كانت أحلام و ندى فتحت الباب.. أحلام إيه ده ساعة لغاية ما تفتحوا. حبيبت قلبى ندى وحشتينى قوى قوى
ندى طنط أحلام وحشانى يا قلبى انتى كويسه.
أحلام بضحك ايوه يا قلبى انا كويسه والحمد لله فين مامى وناناه
ندى جوه ناناه بتلبس ومامى لسه نايمه
احلام بتعب يوه هى بردو مش هتيجى معانا
منى بهدوء ازيك يا أحلام عاملة إيه وإزاى أشرف
احلام كويسين الحمد لله هى بردو معانده مافيش فايده فيها هتفضل على الحال ده كتير دى بقالها اكتر من سنتين. وهو خلاص حس بغلطه ومابقاش يدخل فى حياتها
منى بحزن هو جه عليها كتير وهى صعبانه عليها نفسها انه موقفش جنبها وسبها لوحدها
أحلام لوحدها إزاى بس. أمال سامى كان بيعمل ايه ما هو كان معاها..
منى ايوه كان معاها بس كان بيوجها وهى إللى كان العبء عليها اكتر وهى إللى كانت بترفع القضايا وتروح وتيجى وتحضر جلستها وتخلص ورقها ده غير الشغل التانى لما كانت شغاله معاكى وكانت سابت المحاماة خالص.
أحلام والموضوع خلص خلاص وخلعته وسابت الشغل معايا تظبت حياتها بقى وتشوف نفسها وبنتها..
منى هى فعلا بتظبت نفسها وبتدور على شغل بس هى مش عايزه ترجع المحاكم تانى وعايزه تشتغل شئون قانونية أو شئون عاملين فى شركة..
أحلام يا ستى نكلم فادى يشفلها حاجه فأى شركة من الشركات إللى ماسكها.
منى لا هى مش عايزاه يجبلها شغل ويقول دى بنت أختى..
أحلام ربنا يسرلها الحال
نهى خرجتلهم إزيك يا طنطى وازاى عمو أشرف عاملين ايه.
أحلام بحب وعطف الحمد لله رب العالمين بخير ها هتلبسى توته فستان ولا بنطلون
نهى فستان ما انتى عارفه بتحب الفساتين بنوته بقى هههه
أحلام بحب طبعا بنوته وزى العسل وسكره زى أمها..
نهى تسلميلى يا طنطى.
أحلام هتعملى إيه.
نهى ولا حاجه هأخذ شاور و هروح الجيم.
أحلام طيب جهزى حاجة ندى وانا هلبسها.
نهى حاضر .
أحلام بتلبس ندى بمنتهى الحب والحنيه وحمدت ربنا على حالها وخصوصا انها ماخلفتش بس بتحمد ربنا ان ربنا عوضها بزوج صالح ماكنش فارق معاه موضوع الخلفه والعيال وماسمعش كلام امه زمان لما كانت عيزاه يسيب أحلام ويتجوز واحده تانيه
فلاش باك.
شريفه ها يا اشرف هتعمل ايه
اشرف هعمل ايه فى ايه ده قضاء ربنا واحنا مش هنعترض عليه.
شريفه ايوه يا حبيبى بس ربنا شرع الطلاق والجواز.. لو مش عايز تطلقها خليها على ذمتك واتجوز وخلف وهى لو مش عاجبها تبقى جت من عندها
اشرف لا يا امى دى إراده ربنا و هى ملهاش دعوة وبعدين انا بحبها وفكرى شويه كده لو كان العيب عندى كانت هى تعمل ايه هتسبنى وتروح تتجوز واحد غيرى عشان الخلفة والعيال ده امتحان واختبار من ربنا لينا وانا مش هسبها وبعدين انا اصلا مش عايز عيال مش بحب دوشتهم وشقاوتهم واديكى نفسك بتشوفي لما فتحى أخويا بيجى هو وعياله انا بقعد شويه وامشى عشان بيوجعوا دماغى فالحمد لله على كده وياريت الموضوع ده مايتفتحش تانى لا معايا ولا قدام أحلام إتفقنا.
شريفة ربنا يعملك إللى فيه الخير يا بنى.
..باااااك.
أحلام فاقت على صوت ندى وهى بتقولها البينك يا طنط هلبس الفستان البينك..
أحلام بحب ماشى يا ست توته البينك وتعالى اسرحلك شعرك واعملك فرمة جميلة
أحلام خدت ندى ظبتتلها شعرها وباب الشقة بيرن
نهى فتحت وكان سامى.
سامى ازيك يا نهى عامله ايه كل سنه وانتي طيبه
نهى وانت طيب امال فين ملحقاتك ما طلعوش ليه.
سامى يا ستى هيطلعوا وينزلوا خليهم فى العربية عشان ما نتأخرش وانتو بصراحة ما تتوصوش فى مواعدكو.
نهى ماما لبست و طنط أحلام بتلبس ندى..
سامى بحزن انتى بردو منشفه دماغك.
نهى بضحك ههههه عادى بقى مش نص صعيدية
سامى بزعل ماشى.. قوليلى عملتى ايه فى الشغل يا بنتى تعالى معايا فى مكتبى انا فعلا محتاجك معايا و..
نهى بتقطع كلامه مش هينفع انا فعلا معنديش استعداد ارجع تانى انا سبتها زمان بالرغم من انى داخله الكليه بمزاجى وكنت كتباها اول رغبه بس سبتها عشان مش قادره اشوف الظلم ولا عارفه اتعامل معاه وبعدين انا مسكت القضايا بتاعتى وانت عارف تعبت فيها قد ايه عشان أثبت حقى وحق بنتى وفى الاخر الأحكام لغاية دلوقتى مش عارفه أنفذها على العموم ربنا يسر الحال..
سامى خال نهى الصغير هو مش صغير قوى هو أكبر من نهى ب عشر سنين وأكبر من كريم ب خمس سنين..
كريم ونهى بيعتبروه اخوهم الكبير مش خالهم.. و بيقولوا أسمه من غير القاب.. سامى شكله صغير واللى يشفهم هم الثلاثه مع بعض محدش يصدق انه خالهم..
ندى خرجت على صوت سامى.
ندى سامى سامى وحشتنى قوى فين ملك و يمنى و طنط.
سامى بمرح أهلا اهلا يا توته وحشتينى ملك ويمنى تحت مستنينك..
ندى إكمنها صغيره فساعات بيتغاضوا عن الألقاب..بس مش على طول طبعا
أحلام و منى خرجوا وسلموا على سامى ونزلوا مع بعض..
نهى دخلت تاخذ شاور عشان تروح الجيم
وهى فى الشاور افتكرت إللى حصل من ٥ سنين.
فلاش باك.
عصام كل شوية يتلكك على أي حاجه ويتخانق معاها.. ولما كان بيتأخر نهى تقلق عليه وتكلمه
نهى الو ايوه يا حبيبى اخبارك إيه انت كويس انا قلقت عليك اتأخرت قوى
عصام بزهق ونرفزه يوووه هو فى ايه! بتتصلى بيا ليه! انا مش قولتلك حياتى ما تخصكيش و حياتك ماتخصنيش انتى غبيه ولا مابتفهميش.
نهى بزعل وحزن يا عصام ملوش لزمه الكلام ده انا بس قلقت عليك مش أكتر وعلى العموم مش هتصل بيك تانى
عصام بسخافة ايوه ما تتصليش بيا تانى وشلينى من دماغك خالص سامعه..
نهى قفلت ودموع فى عنيها مش عارفه توقفها وندى على اديها لسه بقالها شهور ومكملتش سنه.
شويه وتليفونها رن كان فادى.
نهى الو ازيك يا اونكل فادى عامل ايه
فادى بزعيقانا عايز افهم فى إيه كل شوية جوزك يكلمني ويشتكيلى منك انتى ايه حكايتك بالضبط
نهى پصدمه حكاية إيه بس ! انا عملت ايه عشان يشتكيلك منى
فادى انتى بتتصلى بيه ليه عايزه منه ايه
نهى بترد بعصبية ونرفزة يعنى ايه بتصل بيه ليه!.. هو مش جوزى ومن حقى اكلمه واطمن عليه أو حتى احتجت لحاجة انا او ندى وعايزه يجبها معاه فيها ايه ايه الغلط إللى عملته
فادى پغضب هو مش قالك قبل كده ما تتصليش إللى لو فى حاجه او عايزه حاجه غير كده ما تتصليش بيه صح هو قالك كده
نهى پصدمة وحزن ودموع أيوه حصل بس انا ماغلطش لما لقيته اتأخر وقلقت عليه وخفت لحسن حاجة وحشه تحصله وخصوصا انى حلمت بيه حلم مش حلو عشان كده اتصلت به وبعدين هو انا المفروض أخذ الاذن قبل ما اكلم جوزى
فادى بعصبيه لا مش لازم تأخدى اذن بس مدام هو نبه عليكى ما تتصليش يبقى ما تتصليش وبعدين ابقى احلمى حلم كويس بعد كده انا مش ناقص كل شويه يكلمنى يشتكى منك فاهمه
نهى بكل حزن وأسى ودموع حاضر وقفلت مع خالها..
نهى مش قادره تنسى ان خالها الكبير كان بيجى عليها قوى من غير سبب وكان دايما فى صف طليقها ومكنش بيديها فرصه تدافع عن نفسها أو تفهمه الحقيقة وعصام كان كذاب ويألف قصص وحوارات وكمان يعيط قدام خالها وأهلها واهله ويفترى عليها ويبين انه مغلوب على أمره معاها وهى قويه وبتتعالى عليه اكمنها محامية وهو محاسب بس نهى كانت سابت المحاماة من قبل ما تعرفه ب٤ سنين ومكملتش فى مجال المحاماة بالرغم انها كسبت كذا قضيه ومن ضمنها قضيه كانت لصاحبتها وانتمتها ولاء وبالرغم انها كانت لسه متخرجة وتحت التمرين بس صاحبتها كانت واثقة فيها لأبعد الحدود وسلمتلها حياتها وكان معاها سامى بس هى إللى قامت بكل حاجه من الألف إلي الياء بس سابت كل ده.
نهى كانت شغاله فى مكتب محامى تانى غير فادى وسامى عشان تثبت نفسها وكمان عشان محدش يقول اصل خالها مدلعها سابتهم هما الإتنين و اشتغلت عند محامى تانى واثبتت جدارتها وكانت ليها مكانتها وبالتعليم إللى اتعلمته من فادى و سامى وذكئها بس سابت المحامى ده وسابت المجال كله بعد ما اشتغلت معاه سنة بسبب قضية هى كسبتها هى كسبت قضيه المحامى ادهلهابس كانت حاسة ان الخصم بتاعها وهى كانت زوجة الموكل إللى مسكاله القضية مظلومه وان الموكل بتاعها لعب لعبة هو ومامته عشان يطلع مراته وبنته من الشقة كل الاوراق والمستنادات كانت لصالح زوجها ومامته والقضاء للأسف مش بيعترف غير بالأوراق والمستندات نهى فعلا كسبت القضية بس كانت عارفه انها مش من حق الزوج محامى الزوجة قصر معاها فى دفاعة ولو كان ركز شويه كان كسب القضية.
نهى بعد ما كسبت القضية سابت المكتب وقررت مش هتشتغل فى المحاماة تانىواشتغلت مع أحلام وبعد ما اشتغلت سنتين اتعرفت على عصام عن طريق زميلتها فى الشغل يعنى نقدر نقول جواز صالونات بعد كل ده عصام كان كل شوية يتهمها انها بتتكلم بالقانون وحقى وحقك وكلام المحامين إللى هى اصلا كانت نسيت كل حاجة خاصة بالمحاماة.
فادى كان باعد نفسه خالص عنها كان عارف انها بتتبهدل فى المحاكم وأقسام الشرطة بس ولا مره اتدخل فى اى حاجة تخصها لأنه سبق وقالها.. انا مش هقف فى قضايا ومحاكم الأسرة عشان خاطرك..
نهى بترد بكل جمود وقوة غريبه على فادى انا مش عايزه حاجة من حد ومقولتلكش أقف معايا.. انا قادرة اجيب
حقى