رواية وللنصيب رأي ٱخر بقلم الكاتبة المبدعة لوليتا

علي يطبعها سوري. بس مش هقدر أكمل ف الشركه..
وائل غمض عينه بۏجع وحزن وحس بنغزه فى قلبه ومېت فكره وفكره فى دماغه.. ايه إللى حصلها! حد ضايقها! حد زعلها! طيب محمد رخم وغلس عليها! طيب هى امبارح كانت موافقه انها تستمر معاه فى الشغل ايه اللى حصل فى سواد الليل خلاها تغير رأيها!
فتح عينه تانى و بص فى الورقه إللى حطتها قدامه و بيحاول يتمالك نفسه لحظات وبصلها بهدوء افتكر انه من حقى اعرف الأسباب!
نهى غمضت عنيها لحظات خدت فيهم كام نفس و فتحتها و بصت فى عنيه بهدوء بس جواها كلام كتير.. هو أتاخد أوى من نظرتها دى ليه وحس ان جواها كلام كتير أوى فقرر انه يتعامل معاها بهدوء ويسمعها للاخر و من غير ما يحكم عليها.
نهى ردت عليه بحزن انا لما مضيت العقد كان على اساس ان مواعيد الشغل ٨ ساعات من ٩ل ٥..
وائل غمض عينه وتنهد واخد نفس بهدوء وخرجه بالراحه أوى وكأن بيخرج من جواه غضبه وحزنه. لحظات و فتح عينه وهو مبتسم ونظرا الارتياح ظهرت عليه واسترخي في قعدته و بعدين!!
نهى بتكمل انا مكنتش اعرف انى هتأخر فى الرجوع وطبعا حصلت مشكله فى البيت بسبب كده.
وائل لما عرف انها روحت بيتها متأخره كشړ وسألها بسرعه ليه! إيه إللى حصل خلاكى تروحى متاخره!
نهى بصتله بهدوء انا ماشيه من هنا ٥ وعقبال ما لقيت مواصلات روحت البيت ٧ بليل وائل بيسمعها بإهتمام أوى ومركز فى كل كلمه هى بتقولها وهى بتكمل كلامها حضرتك متخيل ابقى خارجه من
بيتى ٧ ٣٠ الصبح ارجعلهم ٧ بليل يعنى ١٢ ساعة بره!! افتكر كده كتير!! طبعا غير اننا دلوقتى فى الصيف طيب لما الشتا يدخل!! هعمل إيه! وطبعا حضرتك عارف ايه إللى ممكن يحصل لبنت لما تروح لوحدها متأخره!! ده غير بقى انى اصلا مش قريبه من الشركه!!
وائل مخدش باله من ال بتاعها هى ساكنه فين فسألها انتى ساكنه فين!
نهى بتنهيده فى المعادى..
وائل كشړ و أتضايق أوى لأن فعلا المسافه بين بيتها و الشركه بعيده وهو مفكرش فى موضوع المواعيد ده بالنسبه للبنات إللى شغالين عنده و قال فى نفسه فعلا الموضوع ده صعب على اى بنت ولو حصلهم حاجه وهما راجعين هتبقى بسببى.
وائل بصلها بإبتسامه يعنى هو ده بس سبب انك عايزه تسيبى الشغل! ولا فى سبب تانى ومش عايزه تقولى عليه!
نهى بهدوء ده بس ومفيش سبب غيره.
وائل إبتسم واتصل ب على وطلب منه أن ييجى مكتبه..
محمد جاب العقود من مكتبه وكان داخل على وائل فحنان وقفته قبل ما يدخل باشمهندس محمد! بلاش تدخل دلوقتى.
محمد
بصلها بإستغراب فى ايه يا حنان!! بلاش ادخله ليه!
حنان دى تعليماته هو مش انا.
محمد بإستغراب اكتر نعم يا ختى! ازاى دى بقى!
حنان بتكتم ضحكتها نهى جوه وقالى لما هى تدخل متخليش حد يدخل حتى لو كان حضرتك.
محمد بنرفزه يوووه!! هو فى ايه بس!! البنت دى من ساعة ما جت الشركه وهو عصبى ومش طايق حد محمد بتريقه لأ وكمان كانت هتجيبلنا مصېبه امبارح..
حنان بإستنكار وضيق حرام عليك يا باشمهندس ده لولا وجودها فى الشركه ماكنتوش عرفتوا تعملوا حاجه دى هى إللى أنقذت البنت و الشركه..
محمد بصلها وافتكر اه صح عندك حق.
لحظات لقوا على جاى يجرى وداخل على وائل فحنان بتقوله استنى يا استاذ على..
على قطع كلامها هو إللى طلبنى.. على سابهم ودخل بسرعه.
محمد بص لحنان شكلها كده عملت حاجه.
على دخل لوائل إللى شاورله يقعد.
على بتوتر خير يا باشمهندس!
وائل بصله أوى استاذ على! حضرتك عارف ان الاستاذه جايه تقدم استقالتها!
على بص لنهى وبعدين بصله وبتوتر ااا انا مكنتش اعرف غير لما جت قولتلها ان حضرتك عايزها ضرورى.
وائل بص فى ورقة الاستقاله بتاعتها وبعدين بص لعلى أستاذ على! أصدر قرار إدارى بأن عدد ساعات العمل بالنسبه للسيدات هى ٦ ساعات بس يعنى السيدات يشتغلوا من ٩ ل ٣
نهى وعلى بصوله بذهول وصدمه وعدم استيعاب لحظات وعلى قدر يتكلم بس كده هيحصل دربكه بين الموظفين!
وائل بصله بتكشيره ازاى بقى يحصل دربكه! ممكن تقولى ايه إللى هيحصل لواحده خرجت من شركتى الساعه ٥ وعقبال ما تروح بيتها ممكن حد يضايقها أو متلاقيش مواصلات! الرجاله هيعرفوا يتصرفوا بس البنات دى تعمل ايه لو ملاقوش مواصلات.. القرار ده يتبلغ بيه كل الأقسام ويتنفذ من إنهارده.. اتفضل على مكتبك
على خرج متوتر و محمد بيسأله بإهتمام فى إيه يا على! إيه إللى حصل!
على بصله بذهول مش عارف والله! هو طلب منى ابعت لكل الأقسام قرار إدارى..
محمد بإستغراب هو وحنان قرار ايه!
على بأن كل السيدات عدد ساعات العمل بتاعتهم تكون ٦ ساعات بس والرجال لأ..
حنان و محمد بصوا لبعض بإستغراب محمد بإستفهام اكتر يعنى ايه بقى! مش فاهم!
على بتوضيح يعنى السيدات هيشتغلوا من ٩ ل ٣ والرجاله من ٩ ل٥ والقرار ده هيطبق من النهارده.
حنان فرحت وضحكت أوى بس بسرعه حطت إيدها على بقها عشان وائل ما يسمعش ضحكتها طب والله نهى وشها حلو على الشركه..
محمد بغيظ نعم!! وشها حلو طيب استنى لما ادخله.
نهى وقفت عشان تخرج طيب استأذن انا..
وائل بسرعه على فين! انا لسه ما خلصتش كلامى معاكى..
نهى قعدت و وائل مسك الاستقاله بتاعتها وقطعها قدامها افتكر ان الورقه دى ملهاش لازمه صح!!
نهى بصتله أوى انا مش عارفه اقول لحضرتك إيه..
وائل بإبتسامه تقولى ايه إللى ممكن يخليكى تسيبى الشركه تانى غير موضوع المواعيد!!
نهى بصتله بذهول وسكوت.. فوائل بيكمل نهى! انا سبق و قولتلك لو احتجتى اى حاجه مكتبى مفتوحلك ليه ماجتيش وقولتيلى ولفتى نظرى لحاجه زى دى! انا فعلا مافكرتش فى الموضوع ده بوجهه نظرك ومحدش قبلك اعترض او اتكلم فيه إللى بيوافق بيوافق وقتها وبيكمل أو بيرفض فى وقتها عشان كده انا مفكرتش فى الموضوع بالشكل ده.
نهى إبتسمت بحرج انا بعتذر لحضرتك على تأخيرى وعلى إللى عملته إنهارده.
وائل بإبتسامه مفيش داعى للاعتذار بس مش عايز اكررها تانى مكتبى مفتوحلك فى اى وقت و دلوقتى اتفضلى على مكتبك..
نهى هزت دماغه بالموافقه وهى خارجه وائل قالها نهى! مفيش داعى حد يعرف انك قدمتى استقالتك خليه ما بينا..
نهى هزت دماغها بالموافقه وخرجت لقت محمد واقف مع حنان وشايط من القرار إللى وائل خده وأول ما شافها قالها بغيظ .
الحلقة ١٠ ..
محمد أول ما شافها قالها بغيظ بصراحه انا مش عارف انتى عملتى ايه فى الشركه!
نهى ردت عليه بإستفهام انا عملت ايه يا باشمهندس!
محمد بغيظ اكتر يعنى مش عارفه القرار إللى أتاخد بخصوص المواعيد اول ما سيادتك شرفتىما لحقش يكمل كلامه لقى وائل فتح باب مكتبه وپغضب محمد!! احنا قولنا ايه!!
محمد بصله وهو مخڼوق خلاص هسكت اهو..
محمد دخل مع وائل إلى إبتسم لنهى قبل ما يقفل باب مكتبه.
e 
حنان بفرحه مش سيعاها الله عليكى يا قمر وشك حلوه علينا من ساعة ما حطيتى رجلك فيها وهى البشاير هلت..
نهى بتضحك على طريقتها ههه! قمر ايه بس يا بنتى ده ربنا بيسترها معانا ربنا يديم ستره علينا..
حنان غمزتلها لأ يا جميل ده اول قرار حلو ييجى بعد ما تشتغلى بيوم بركاتك..
نهى ضحكت جامد والله انتى فايقه ورايقه امشى انا بقى بدل ما باشمهندس محمد ما يمسكنى و يضربنى.. سلام
نهى نزلت على مكتبها ودخلت عند على..
نهى خبطت أستاذ على!
على بصلها قوى ممكن حضرتك تفهمينى ايه إللى حصل!
نهى حكت لعلى موضوع استقالتها ورد وائل عليها بقراره ده بس طبعا بالمختصر المفيد.
على بإستغراب سبحان الله! هو فعلا وجهه نظرك صح بس اشمعنى دلوقتى هو يغير مواعيدكوا!
نهى ردت بحرج عشان محدش لفت نظره قبل كده للموضوع ده بس هو الحمد لله قدر الموقف.
على إبتسم بس تعرفى ربنا جعلك سبب فى حاجه زى دى..
نهى بتردد أستاذ على! ممكن ما تقولش لحد انى كنت السبب فى إللى حصل وكمان موضوع استقالتى حضرتك عارف كلام الناس بيبقى ازاى وكمان بيفسروا المواضيع على مزاجهم.
على بصلها قوى و فكر للحظه انتى عندك حق كلام الناس مش هيخلص اطمنى محدش هيعرف حاجه..
نهى إبتسمت لعلى وشكرته وراحت على مكتبها إلى طبعا خالد وعيسوى وايمان فى انتظارها على احر من الجمر
عيسوى بقلق ايه يا بنتى فى ايه!
نهى سكتت شويه لانها مش عارفه تقولهم ايه فإيمان بتوتر اتكلمى ساكته ليه!
نهى بإبتسامه سمعت كلمتين بسبب تأخيرى.
خالد بشك تأخيرك ملوش علاقه بأن الباشمهندس وائل يطلبك بالشكل ده..
نهى بتحاول تكون متماسكه طبعا ليه حق ده تانى يوم ليا فى الشركه ازاى اتأخر نهى بتحاول تغير الموضوع ممكن بقى تسيبونا من الموضوع ده.
خالد مش عاجبه رد نهى بس سكت لان مفيش حاجه ممكن يتكلم فيها..
شويه ومنى إتصلت بنهى تطمن عليها نهى! اخبارك إيه!
نهى ردت على منى بس بعيد عشان محدش يسمعهاالحمد لله رب العالمين انا كويسه يا ماما.
منى بقلق ها!! عملتى إيه!
نهى بفرح مش هتصدقى باشمهندس وائل عمل معايا إيه!!
نهى حكت لمنى على إللى حصل بالضبط و منى بتسمعلها وفرحت باللى حصل.
منى بفرح الحمد لله مش قولتلك لو ليكى نصيب فى الشركه هتكملى فيها واهو كمان قلت ساعات العمل.
نهى بفرح الحمد لله يا ماما بصراحه مكنتش متخيله إللى يحصل ده فعلا ربنا كريم.
فضلوا يرغوا مع بعض شويه وقفلوا.
عند وائل
محمد دخل وهو متغاظ من إللى حصل وسأله بنرفزه ممكن أفهم ايه إللى حصل من شويه! تقصد ايه بقرارك ده!
وائل قعد على كرسيه بإسترخاء ماله القرار ده! إيه إللى مضايقك فيه!
محمد بغيظ يعنى ايه تخلى شغل البنات ٦ ساعات بس والرجاله ٨ طيب ليه! عايز افهم! والاهم!! محمد بصله بمكر اشمعنى دلوقتى لما الهانم جت الشركه!
وائل عنيه وسعت وبصله بذهول محمد! ما تتكلمش بالشكل ده.. وائل أخد نفس طويل وبص لمحمد بهدوء ممكن نأجل الكلام فى الموضوع ده بعد الإجتماع!
محمد بغيظ ماشى يا وائل بس هقولك كلمه وخليها حلقه فى ودنك.. وائل بصله بإهتمام و محمد كمل بجديه خلى بالك من تصرفاتك معاها عشان ما تتفهمش غلط..
وائل بصله قوى بتوتر وغير الموضوع بسرعه يلا نراجع العقود عشان الإجتماع.
محمد تقبل تغييره للموضوع.
وائل ومحمد حضروا الاجتماع
بعد ما خلصوا الإجتماع محمد بإرهاق انا عندى صداع ما تيجى نشرب قهوه انا دماغى هتتفرتك.
وائل بإرهاق هو كمان فعلا دماغى ھتنفجر من الرغى بتاعهم تعالى نروح الكافيه نشرب فيه قهوه..
وائل ومحمد خرجوا مع بعض وقعدوا فى كافيه جنب الشركه بعد ما قعدوا وطلبوا قهوتهم محمد